2010年1月15日

新天地?收數佬?超低能勁搞笑=.=

首先介紹下先...
話說"新天地"
乃天水圍天恆村天澤商場3樓一間租碟舖
N年前,佢開張冇耐在下就成日幫襯佢了=.=

佢間野個老細 我都算識識地
當時仲同佢地舖頭D員工好熟
周不時出去玩=.=

但好景不常 D員工換哂之後
換左個癲婆O係果度做=.=

因在下睇佢唔順眼,之後就唔再去果度
(呢個癲婆真係好癲的...在下很多朋友都咁樣認為
有次我D FD佢地去還碟時 同佢反應隻碟睇唔倒
個癲婆話 "係你部機有問題 搞到我地隻碟壞左 E家仲想整壞埋我地部機?"
笑死左我=.=)

回正題
之後有次個癲婆打電話比我
話我差佢隻碟未還
我話唔見左..佢話要賠番隻碟比佢/賠錢都得
OK 冇問題 好合理

好喇! 又過左一排
我同我老豆去租碟
之後還左咩事都冇

跟住又過左唔知幾耐
個癲婆突然打電話黎搵我
佢話"你老豆O係我地呢度借左3隻碟 已經過左期1個禮拜倒
請問你幾時還?"
我話"下?我老豆去租既你搵我?"
佢話"咁你老豆報你會員NUMBER789呀嗎"
我話"我張證都唔知唔見左幾耐...更何況佢去租你有冇問過我?"
佢話"咁我認得佢係你老豆呀嗎!"
我話"咁不如你拎你老豆張存款卡去銀行櫃台度提款,睇下人地比唔比你提"
佢話"咁你E家係咪唔還先?"
我話"係我租既我會還,還唔倒我會賠,唔係我租既你點講都冇用"
佢話"但佢係你老豆WO?"
我話"老豆陰個仔好出奇呀?""如果佢自己去租就得既咁我一開始就唔使帶佢去啦?佢自己去得啦?"
跟住佢話"咁我地會BAN你會員ACC 日後唔再比你O係我地度租碟"
我話"OK 冇問題...你BAN啦"

好啦...之後過左4~5年倒啦=.=
09年年尾...我都唔記得確實時間-.-
有日突然有個人打電話黎
佢話"喂,你係咪黃澤冬呀?"
我話"係呀 你邊位?"
佢話"你係呀?我係收數佬呀"
我話"喔...係咩事呢?"
佢話"你差我地3000蚊,你幾時還呀?"
我話"差咩3000蚊呀?你蒙左牙?"
佢話"新天地呀"
我話"咩新天地呀?新世紀我就知"
佢話"X你老母新世紀呀"
我話"你有病呀?"
佢話"天澤商場新天地呀 你差我地3隻碟 拖到E家 總共差我地3000蚊呀"
我話"邊3隻碟呀?冇印象BO"
佢話"落葉歸根,以和為貴,靈時3點3呀 拖左咁耐 共欠3000蚊呀"
我話"下?唔知WO 我4~5年冇去...以和為貴唔係06年既咩?"
佢話"我唔知你..總之你差3000蚊呀 幾時還呀?"
我話"我都冇租過"
佢話"你有租呀 3隻碟呀 落葉歸根,以和為貴,靈時3點3呀 3000蚊呀"
我話"我打緊機唔得閒 晏D打黎 88"
之後CUT鬼佢線
結果果晚佢冇打黎 我都懷疑佢係咪打錯=.=

之後又過左幾日...佢又打黎
佢話"你係咪黃澤冬呀?"
我話"係呀你邊位?"
佢話"3000蚊幾時還呀?"
我話"喔..癲佬呀..唔知呀 你玩夠未呢?"
佢話"恆通2703呀?我E家上緊黎WO"
我話"喔...係呀...咁我使唔使開定門等你呢?"
佢話"你唔好走呀.."
跟住佢CUT鬼左線

當時在下岩岩訓醒...真係有D驚驚地...所以報左警=.=
結果成班差佬係我屋企等佢...白等一場=.=

跟住又過左一排 佢又打電話搵我
佢話"喂,係咪黃澤冬呀?"
我話"係呀係呀 收數佬下話?又話上黎 我CALL定成班差佬等你 結果等你唔倒呀"
佢話"咁你幾時還錢呀?"
我話"我都話左我冇租 你係咪聽唔明?"
佢話"咁你幾時還錢呀?"
我話"咁你幾時上黎收錢呀?"
佢話"咁你唔還我收D咩呀?"
我話"你收數佬WO?你唔上門收唔通我自己出去繳費呀?"
佢話"咁你即係認有差3000蚊啦?係咪呀?"
我話"我幾時認左連我都唔知? 咁你係收數佬呀嗎,咁好自然係你要上門收呀嗎 岩唔岩?"
佢話"我X你老母臭X 你欠債還錢天公地道呀"
我話"你X我都冇用個WO 咁我係冇租呀嗎=.="
跟住佢狂爆粗我又狂爆粗 跟住我又CUT鬼佢線

之後有一排冇打電話黎=.=

跟住前幾日...在下去左SSP 訂ADATA USB 3.0外接硬盤
我番到屋企先知個癲佬又打電話黎

比我媽同舅仔接左 仲嘈得好勁TIM (哈哈)
跟住佢地落到去舖頭,就得番個癲婆係果度
聽我媽講"個癲婆係度扮低B 講咩唔知呢回事"

好喇...今日晏咒我同我呀哥同D FD打緊機玩龍珠=.=
正打得起勁時...個"收數佬"又打黎

佢話"你係咪黃澤冬呀?"
我話"係呀!你好耐冇打黎WO?出左咩事呢?"
佢話"關你X事呀"
我話"當然唔關我X事啦...只不過我關心你姐"
佢話"咁你幾時還錢呀?差3000蚊呀"
我話"你好多時間咩?"
佢話"係呀都幾多呀"
我話"我仲多時間WO"
佢話"係咩係咩?"
我話"係呀...你E家係哂緊你自己D時間 我係晒緊我D時間 你明唔明呢個分別"
(抄黃子華的=.=)
佢話"咁你幾時還錢呀?"
我話"還你老尾"
佢話"你E家係咪X9我呀?好聲好氣同你講"
我話"仲使問既?擺到明X9你啦...X9你仲使擇日呀?"
跟住我地呢邊D人笑到停唔倒口=.=
佢話"我X你老母XX"
我話"你係咪剩係識得呢句呀?得閒讀多D書啦"
佢話"讀你老母臭X呀"
我話"你唔讀多D書,邊得黎咁多詞彙用呀 成日講黎講去都係果幾句 下次你要同我係電話度嘈 你不如作定篇文先 用多D深字 再唔多講兩句成語呀 你成日講果兩句 好悶呀"
跟住我CUT鬼佢線繼續打龍珠=.=
佢之後又打左無數次電話黎
我唔理佢接聽跟住擺係度...繼續同D FD有講有笑繼續打龍珠=.=

之後我訓教...岩岩9點倒訓醒=.=
佢又打左電話黎 今次我呀媽接左講左一陣
我即刻搶左個電話 同我媽講"比我玩=.="

我話"收數佬下話?"
佢話"係呀"
我話"你不如E家上黎收呀 睇下我比咩你?"
佢話"你比咩我?"
我話"你上黎咪知LO 你收數佬黎家嗎 天不怕地不怕 使乜驚我呢D o靚仔"
佢話"我驚你有牙"
我話"我驚你冇牙 成日係度吹?你幾時先肯上黎收JE?"
佢話"咁你係咪承認你有差我地錢呀?"
我話"你錄緊音呀?咁有冇錄倒我承認呀?"
佢話"仲未"
我話"咁你比D心機喇WO 死KIND子"
佢話"你又想嘈係咪呀?好聲好氣同你講"
我話"唔係呀 我只不過叫你係收就上門收啦 你咁驚不如咁喇 我住恆通你知嫁?樓下停車場傾好冇呀?"
佢話"有咩好傾?你係咪還錢先?"
我話"你老細好窮咩?搵你呢D MOD契黎收數??係收就上門收啦仲咁多o爹"
佢話"我係好心提你"
我話"搵個車手,搵個睇水,搵個淋油都係幾皮JA 冇理由有幾間分店既老闆都比唔起牙?"
佢話"你好熟咩?"
我話"熟過你小小啦 點JE??出黎傾好冇JE?"
佢話"咁樣傾唔倒咩?"
我話"我在明你在暗 你比我點左你相先啦 唔好咁姑寒啦"
佢話"點我相做咩呀?"
我話"冇野牙,想睇下收數佬係咩樣LO 未見過牙我"
佢話"你叫我出我就要出?'
我話"你叫我還我就要還?"
佢話"你唔還我繼續打"
我話"岩既...你老細冇ORDER你停你繼續打都係打份工JE 不過你幫我留言比你老細 大家好來好去咪好LO 如果唔係 你影響我 我咪影響你舖頭LO 你識搵D低B仔我唔識搵牙? 我搵人塞9你舖頭鎖匙窿都好平JA 幾舊水大把人做 你舖頭玻璃門都係幾千蚊JA 換個鎖=.="
佢話"塞咩鎖匙窿?"
我話"你邊間收數公司呀?連塞鎖匙窿都唔知係咩學人出黎講收數?"
佢話"我唔收囉咁...SORRY LO"

笑死我=.=條友低B到冇人有...

沒有留言:

發佈留言