杜琪峰徒弟拍公投宣傳片

距補選投票日仲有一個月左右，公民黨噚日推出宣傳短片《葉國 X撐公投之點解我要投票》，片長僅兩分幾鐘，不過十分專業，原來導演鄭啟文幫過杜琪峰電影拍攝製作花絮，「即係拍杜琪峰拍戲。」
呢段片主角係一個 60幾歲長者，講到香港人等咗廿年都冇真普選，幾有《歲月神偷》 feel。鄭啟文指以長者做主角，因為覺得政府，愧對幾十年以港為家嘅長者，藉此呼籲更多人 5.16投票。至於短片主角叫葉國華純屬巧合，係佢結合兩個親戚姓名而成，絕對同前「國師」葉國華或葉國謙無關。